An Taobh Eile Den Scamall

Scéal grá atá ann faoi bheirt óga, Rachel agus Frank, a bhuaileann le chéile ar thraein na Gaillime. Fuair máthair Rachel bás tamall roimhe agus tá a hathair, fear nach raibh aon teagmháil aici leis le fada, ar ais ina saol. Is abhcóide nuacháilithe é Frank agus é ag iarraidh theacht isteach ar an saol gairmiúil iar-choláiste.

An chéad úrscéal Gaeilge le Conor Bowman, a bhfuil idir úrscéalta agus ghearrscéalta scríofa aige i mBéarla, ina measc The Redemption of George Baxter Henry agus Horace Winter Says Goodbye.

‘Má tá sé de dhualgas ag údar scéal taitneamhach inléite spéisiúil a sholáthar don léitheoir tá seo déanta go binn agus go seolta ag Conor Bowman sa chéad úrscéal Gaeilge seo uaidh.’ – Alan Titley