Description

Chuaigh Bobby Sands ar stailc ocrais ar an chéad lá de mhí an Mhárta 1981 agus é ag iarraidh stádas polaitiúil a bhaint amach do chimí poblachta i bpríosún Ard Mhacha agus sna Blocanna H sa Cheis Fhada. Faoin am a fuair sé bás ar 5ú Bealtaine,bhí sé ina Fheisire Parlaiminte tofa agus bhí cúrsaí polaitíochta in Éirinn athraithe go deo. Fuair deichniúr cimí bás le linn stailc ocrais 1981.Seo cuntas Bobby Sands ar laethanta tosaigh na stailce sin, arna aistriú ag Seán Mag Uidhir agus le sleactha as ‘D’éirigh mé ar maidin…’ le caoinchead Choiste na nIarchimí.