Idir Beocht agus Beatha

Guth fir óig! Guth ó oileán thiar! Guth atá ag iarraidh ciall a dhéanamh de shaol amscaí an daonnaí! Sin atá sa duanaire seo le Prionsias Mac a’ Bhaird as Árainn Mhór i Rosa Thír Chonaill ó dhúchas ach a chaith blianta ina chónaí ar tír mór. Bhain Prionsias duaiseanna Oireachtais as drámaí agus as úrscéal do pháistí ach is é seo an chéad chnuasach dá chuid filíochta. I measc na dtéamaí anseo, tá an bheatha agus an bás, an grá agus an ghráin, an dúchas agus an scarúint. Guth stóchúil a chloisimid, macalla ar ionracas mara ar chladach.