Cur síos

Buaiteoir Ghradam Uí Shúilleabháin 2021 (Leabhar na Bliana don Léitheoir Fásta)

Tá cuntas sa leabhar seo ar stair Chumann Aisteoirí Ghaoth Dobhair ó 1931-1981, ar na drámaí a léirigh siad, na dúshláin a sháraigh siad, na duaiseanna a bhuaigh siad agus na héachtaí eile a rinne siad i gcaitheamh na mblianta sin. Tá léargas le fáil ann fosta ar stair Ghaoth Dobhair san fhichiú haois agus ar na pearsain ba mhó a bhí páirteach sna hAisteoirí ó bunaíodh iad, ina measc, Áine Nic Giolla Bhríde, a bhí ina ceann feadhna agus ina cnámh droma ag an chumann ar feadh bhunás mór an ama sin.