Cur síos

Dánta in ómós don teaghlach is ea na dánta seo le Louis de Paor, dánta a dhíríonn ar ghnéithe éagsúla den gcaidreamh atá ag croílár an eispéiris dhaonna. Tugann an Paorach ar thuras muid in Obair Bhaile trí thréimhsí uilig an ama – idir Inné, Inniu agus an lá Amárach – trí thuras an tsaoil a luascann i gcónaí ‘gan éinne á bhrú / éinne in aon chor’. Tá dóchas le fáil san fhilíocht mhisniúil seo a chuireann ag saothrú muid i dtreo an bhaile féin.

Rogha théamúil is ea Obair Bhaile a chuimsíonn dánta as sé chnuasach éagsúla a d’fhoilsigh an Paorach idir 1992 agus 2016, chomh maith le 13 dhán nua óna pheann.