Cur síos

Is cuntas é ‘Síolta’ ar ‘phobail’ Ghaeilge úra agus ar na daoine a thóg iad.

Léargas ar na gréasáin, ar na grúpaí agus ar na comharsanachtaí a ghníomhaigh chun réaltacht nua a chruthú inarbh fhéidir páistí a thógáil le Gaeilge agus rath a bheith ar an iarracht sin.

Léiriú is ea é ar na daoine a rinne rud éigin as an ghnáth agus ar éirigh leo an Ghaeilge a athneartú nó a athbheochan ina gceantar féin.

Pléitear an obair a rinneadh chun na pobail sin a thógáil, an fáth a mbíonn rath ar an mhionchuid acu agus teip ar an mhórchuid acu, agus fiosraítear cén dearcadh atá ag gluaiseacht na Gaeilge ar an chineál seo gnímh, gníomh a bhíonn á mholadh go minic ag lucht pleanála teanga.