Cur síos
Is scéalta iad seo a bhfuil meáchan sa bhuille iontu: scéalta faoi chogaíocht agus faoi chaill; faoi pholaitíocht agus faoi fheall; faoi ghrá agus faoi fhuath.
Tugann Pól Ó Muirí faoi théamaí comhaimseartha ár linne—an ciníochas agus próiseas na síochána gan ach beirt a lua—agus cumann scéalta corraitheacha tochtmhara orthu. Scríobhann sé faoi shaol domhanda agus faoi dhaoine de chuid an domhain sin. As sin a thagann léargas nua ar imeachtaí an lae inniu.
Casfar carachtair ar leith ar an léitheoir: feirmeoir ó Mheiriceá Thuaidh; cócaire Síneach i mBéal Feirste; spiaire i bPáras na Fraince; iarchime ag iarraidh a shaol a atógáil.
Lena chois sin, tá aortha istigh anseo a chuirfidh an duine is duairce amuigh i mbun gáire; aortha a bhfuil tabhairt faoi deara agus greann rinneach le sonrú i ngach aon uile fhocal.
Ní mór a rá fosta go n-insítear an t-iomlán léir i dteanga bhláfar a chartfaidh an léitheoir ar aghaidh isteach i saol sainiúil samhlaíochta.
Reviews
Níl aon léirmheasanna ann go fóill.