Aisteoir faoi Sholas

Duine ar bith a chonaic drámaí in Amharclann na Mainistreach i mBaile Átha Cliath idir tús na seascaidí agus blianta tosaigh na mílaoise, is cinnte go bhfaca siad Clive Geraghty ar an stáitse. Ghlac sé páirt i saothar drámadóirí móra mar Shakespeare, Chekhov, Ibsen, Seán O'Casey, Brian Friel, Frank McGuinness agus Hugh Leonard. Sa leabhar seo, déanann sé cur síos ar a óige i dtuaisceart chathair Bhaile Átha Cliath, an ghairm a leag sé amach dó féin sna blianta tosaigh – mar theicneoir san Aerchór – agus an chaoi ar rug an aisteoireacht greim air nárbh fhéidir a scaoileadh. Tá eachtraí anseo a bhainfidh racht gáire as an léitheoir agus a bhogfaidh deoir faoin tsúil, scéalta faoi phearsantachtaí móra agus daoine beaga, dul chun cinn agus céim ar gcúl. Scéal dhá shaol: an saol mar atá, agus an saol ar stáitse.