Cur síos

Tá an greann, an ghráin agus neart galamaisíochta in Cúigear Chonamara, an chéad dráma ó pheann Mhichíl Uí Chonghaile, ina gcuirtear beocht faoi dheireadh ar stáitse sa spochadh, sa saighdeadh agus sa chomhrá  cliste a bhfuil taithí ag léitheoirí a shaothair orthu.

Triúr fear in aontíos – Danny agus Darach lena n-athair Coilimín. Tá Coilimín faoi ghruaim ó cailleadh a bhean, é gafa anois leis an mbás, le cailíní leathanach a trí agus le biongó. Tá Danny agus Darach faoi chuing ag bás a máthar, a scéal rúin féin ag gach fear acu nó go dtugtar nod don duine eolach eile faoi chásanna cúirte, faoi bhanéigean…agus faoi na héadaí ban sa drár!