Cur síos

Agus í amuigh ag iascaireacht lena daid, cluineann Muireann scairt ar chuidiú. Ta bean agus a cuid páistí i seanbhád atá ar tí dul go tóin poill!

Nuair a chuidíonn Muireann leo teacht i dtír agus nuair a thugann sí bia agus foscadh dóibh don oíche, faigheann sí amach go bhfuil na strainséirí ar lorg baile nua in áit shábháilte. Tá rún daingean ag Muireann cuidiú leo. Ach an mbeidh cead ag a cara nua Amina agus a teaghlach fanacht ar an oileán? Agus an bhfeicfidh athair Amina a bhean agus a pháistí choíche arís?

Is leabhar de chuid ár linne é an cúigiú leabhar seo i sraith iomráiteach ‘Muireann’. Scéal é seo a spreagfaidh muid chun áit a chruthú inár saol agus inár gcroí dóibh siúd atá i gcruachás.