Cur síos

Cuntas ar shaol agus ar nósanna Ghaeltacht Thír Chonaill thart ar dheireadh an 19ú haois atá againn anseo faoi riocht úrscéil. Tá an t-airneál agus an scéalaíocht ann, an fhaire is an tórramh agus an bhainis, caitheamh na cloiche agus rásaíocht, an fostó agus an imirce, fear an ghaimbín agus mná cniotála. Saol crua anróiteach a bhí ag na daoine, ach iad cneasta, carthanach, sultmhar ina dhiaidh sin is uile.

Bhí ráchairt ar an leabhar seo ó foilsíodh a chéaduair e i 1939, sa tuaisceart go mór mór, i ngeall ar an Ghaeilge ghlan sholéite atá ann. Agus beidh fáilte ar leith roimh an atheagrán seo a chóirigh Anraí Mac Giolla Chomhaill go tuisceanach cáiréiseach, mar is dual dó.