Cur síos

Seo an chéad chnuasacht filíochta i nGaeilge amháin ón bhfile dátheangach, Dolores Stewart – fuaireamar In Out of the Rain ó Dedalus sa bhliain 1999. Faigheann sí spreagadh agus tinfeadh na filíochta óna bhfuil thart uirthi ar chósta thiar na tíre agus go háirithe ó dheasghnátha an tsaoil laethúil anois. Agus thairis sin, tá tionchar na fealsúnachta, na staire agus na himirce, agus anáil na haimsire féin, go fiú, le haireachtáil ar a cuid dánta.