An Ghaeilge agus lár Bhéal Feirste

'I mBéal Feirste cois cuain, ag bruach na farraige', tá an Ghaeilge faoi rath agus faoi bhláth. Ach cén bhaint atá ag lár na cathrach leis sin? Treoir dhátheangach atá sa leabhar seo d'áiteanna agus do dhaoine a bhaineann go dlúth le stair na Gaeilge i lár Bhéal Feirste. Ag díriú ar 16 ionad ar leith, leanaimid scéal na Gaeilge ón Mheánaois go Tionól na gCruitirí 1792, anuas go hathbheochan Chonradh na Gaeilge sa 19/20ú haois.