Páirc an Chrócaigh – 21 Samhain 1920, Domhnach na Fola I mBaile Átha Cliath

Ar an 21ú Samhain 1920, bhí cluiche mór dúshláin idir Tiobraid Árann agus Baile Átha Cliath le himirt i bPáirc an Chrócaigh, ceanncheathrú na peile Gaelaí. Ar maidin an lae sin, rinneadh sléacht ar ‘Bhuíon Cairo’ – grúpa d’oifigigh rúnda de chuid na Breataine a raibh sé d’aidhm acu gluaiseacht na saoirse in Éirinn a chloí. Ba iad ‘an Dáréag Aspal’ a mharaigh iad, brainse d’Óglaigh na hÉireann a bhí á stiúradh ag Micheál Ó Coileáin. Bhí na Dúchrónaigh cinnte de go mbeadh na hAspail i measc an tslua i bPáirc an Chrócaigh. Rinne baill den fhórsa póilíneachta mhíchlúiteach sin a mbealach go dtí an pháirc agus chrom láithreach ar dhaoine den lucht féachana agus den dá fhoireann a scaoileadh. ‘Domhnach na Fola’ a thugtar ar an lá uafásach sin.